Dabba (Thứ Hai)

Evaṁ me sutaṁ—

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

Tatra kho bhagavā bhikkhū āmantesi:

“bhikkhavo”ti.

“Bhadante”ti te bhikkhū bhagavato paccassosuṁ.

Bhagavā etadavoca:

“Dabbassa, bhikkhave, mallaputtassa vehāsaṁ abbhuggantvā ākāse antalikkhe pallaṅkena nisīditvā tejodhātuṁ samāpajjitvā vuṭṭhahitvā parinibbutassa sarīrassa jhāyamānassa ḍayhamānassa neva chārikā paññāyittha na masi.

Seyyathāpi nāma sappissa vā telassa vā jhāyamānassa ḍayhamānassa neva chārikā paññāyati na masi;

evamevaṁ kho, bhikkhave, dabbassa mallaputtassa vehāsaṁ abbhuggantvā ākāse antalikkhe pallaṅkena nisīditvā tejodhātuṁ samāpajjitvā vuṭṭhahitvā parinibbutassa sarīrassa jhāyamānassa ḍayhamānassa neva chārikā paññāyittha na masī”ti.

Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:

“Ayoghanahatasseva,

jalato jātavedaso;

Anupubbūpasantassa,

yathā na ñāyate gati.

Evaṁ sammāvimuttānaṁ,

kāmabandhoghatārinaṁ;

Paññāpetuṁ gati natthi,

pattānaṁ acalaṁ sukhan”ti.

Dasamaṁ.

Pāṭaligāmiyavaggo aṭṭhamo.

Tassuddānaṁ

Nibbānā caturo vuttā,

cundo pāṭaligāmiyā;

Dvidhāpatho visākhā ca,

dabbena saha te dasāti.

Udāne vaggānamuddānaṁ

Vaggamidaṁ paṭhamaṁ varabodhi,

Vaggamidaṁ dutiyaṁ mucalindo;

Nandakavaggavaro tatiyo tu,

Meghiyavaggavaro ca catuttho.

Pañcamavaggavarantidha soṇo,

Chaṭṭhamavaggavaranti jaccandho;

Sattamavaggavaranti ca cūḷo,

Pāṭaligāmiyamaṭṭhamavaggo.

Asītimanūnakasuttavaraṁ,

Vaggamidaṭṭhakaṁ suvibhattaṁ;

Dassitaṁ cakkhumatā vimalena,

Addhā hi taṁ udānamitīdamāhu.

Udānapāḷi niṭṭhitā.

SC 1Thus I heard: At one time the Gracious One was dwelling near Sāvatthī, in Jeta’s Wood, at Anāthapiṇḍika’s monastery. There it was that the Gracious One addressed the monks, saying:

“Monks!”

SC 2“Reverend Sir!” those monks replied to the Gracious One. And the Gracious One said this:

SC 3“While venerable Dabba Mallaputta, monks—after going up into the sky, and sitting in cross-legged posture in the air, in the firmament, entering the fire-element, and emerging—was attaining Complete Emancipation, his body burning and being consumed, there was no charcoal and no ash evident. Just as while ghee or oil is burning and being consumed there is no charcoal and no ash evident, so also while venerable Dabba Mallaputta—after going up into the sky, and sitting in cross-legged posture in the air, in the firmament, entering the fire-element, and emerging—was attaining Complete Emancipation, his body burning and being consumed, there was no charcoal and no ash evident.”

SC 4Then the Gracious One, having understood the significance of it, on that occasion uttered this exalted utterance:

SC 5“Just as for an iron bar, which is struck by fire and heat,
And gradually cooling, the destiny of that heat is not known,
So it is for those perfectly free, who have crossed over
the flood of bondage to sense pleasures:
There is no known destiny for those who have attained unagitated happiness.”

The Text of the Udāna is Complete