Phẩm Ác

Abhittharetha kalyāṇe,

pāpā cittaṁ nivāraye;

Dandhañhi karoto puññaṁ,

pāpasmiṁ ramatī mano.

Seyyasakattheravatthu

Pāpañce puriso kayirā,

Na naṁ kayirā punappunaṁ;

Na tamhi chandaṁ kayirātha,

Dukkho pāpassa uccayo.

Lājadevadhītāvatthu

Puññañce puriso kayirā,

kayirā naṁ punappunaṁ;

Tamhi chandaṁ kayirātha,

sukho puññassa uccayo.

Anāthapiṇḍikaseṭṭhivatthu

Pāpopi passati bhadraṁ,

Yāva pāpaṁ na paccati;

Yadā ca paccati pāpaṁ,

Atha pāpo pāpāni passati.

Bhadropi passati pāpaṁ,

Yāva bhadraṁ na paccati;

Yadā ca paccati bhadraṁ,

Atha bhadro bhadrāni passati.

Asaññataparikkhāravatthu

Māvamaññetha pāpassa,

na mantaṁ āgamissati;

Udabindunipātena,

udakumbhopi pūrati;

Bālo pūrati pāpassa,

thokaṁ thokampi ācinaṁ.

Biḷālapādakaseṭṭhivatthu

Māvamaññetha puññassa,

na mandaṁ āgamissati;

Udabindunipātena,

udakumbhopi pūrati;

Dhīro pūrati puññassa,

thokaṁ thokampi ācinaṁ.

Mahādhanavāṇijavatthu

Vāṇijova bhayaṁ maggaṁ,

appasattho mahaddhano;

Visaṁ jīvitukāmova,

pāpāni parivajjaye.

Kukkuṭamittanesādavatthu

Pāṇimhi ce vaṇo nāssa,

hareyya pāṇinā visaṁ;

Nābbaṇaṁ visamanveti,

natthi pāpaṁ akubbato.

Kokasunakhaluddakavatthu

Yo appaduṭṭhassa narassa dussati,

Suddhassa posassa anaṅgaṇassa;

Tameva bālaṁ pacceti pāpaṁ,

Sukhumo rajo paṭivātaṁva khitto.

Maṇikārakulūpakatissattheravatthu

Gabbhameke uppajjanti,

nirayaṁ pāpakammino;

Saggaṁ sugatino yanti,

parinibbanti anāsavā.

Tayojanavatthu

Na antalikkhe na samuddamajjhe,

Na pabbatānaṁ vivaraṁ pavissa;

Na vijjatī so jagatippadeso,

Yatthaṭṭhito mucceyya pāpakammā.

Suppabuddhasakyavatthu

Na antalikkhe na samuddamajjhe,

Na pabbatānaṁ vivaraṁ pavissa;

Na vijjatī so jagatippadeso,

Yatthaṭṭhitaṁ nappasaheyya maccu.

Pāpavaggo navamo.

SC 116Hasten to do good;
Restrain your thoughts from evil.
When the mind is slow in doing good
It delights in evil.

SC 117Should one do evil,
He should not do it again and again.
He ought not to desire this.
Accumulated evil brings great suffering.

SC 118Should one do good,
He should do it again and again.
He ought to desire this.
Accumulated good brings great happiness.

SC 119An evil person sees benefit
As long as the evil has not ripened.
When the evil does ripen,
He realizes misfortune.

SC 120Even a good person sees detriment
Before the goodness has ripened.
When the good does ripen,
He realizes benefit.

SC 121Do not disregard evil, thinking, “It will not come to
me.” Even as falling drops of water can fill a jug,
So the fool becomes full of evil,
Collecting it little by little.

SC 122Do not disregard good, thinking, “It will not come
to me.” Even as falling drops of water can fill a jug,
So the wise one becomes full of goodness,
Collecting it little by little.

SC 123One should avoid evil deeds,
As a merchant with great wealth in a small caravan
Avoids the dangerous road,
As one who desires life avoids poison.

SC 124Without a wound, the hand can carry poison.
With no wound, the poison has no effect.
So evil has no effect for those who do not practice it.

SC 125As fine dust thrown against the wind,
So does evil return to the fool
Who wrongs the innocent, the faithful, and the pure.

SC 126Some arise in the womb;
Evildoers arise in hell;
The righteous emerge in heaven;
And those without toxins enter final-Nibbāna.

SC 127There is no place in the world—
Neither in the sky, nor the ocean depth,
Nor inside a mountain cave—
Where one would be free from one’s evil deed.

SC 128There is no place in the world—
Neither in the sky, nor the ocean depth,
Nor inside a mountain cave—
Where death is not victorious.