Phẩm Hỷ Ái

Ayoge yuñjamattānaṁ,

yogasmiñca ayojayaṁ;

Atthaṁ hitvā piyaggāhī,

pihetattānuyoginaṁ.

Mā piyehi samāgañchi,

appiyehi kudācanaṁ;

Piyānaṁ adassanaṁ dukkhaṁ,

appiyānañca dassanaṁ.

Tasmā piyaṁ na kayirātha,

piyāpāyo hi pāpako;

Ganthā tesaṁ na vijjanti,

yesaṁ natthi piyāppiyaṁ.

Aññatarakuṭumbikavatthu

Piyato jāyatī soko,

piyato jāyatī bhayaṁ;

Piyato vippamuttassa,

natthi soko kuto bhayaṁ.

Visākhāvatthu

Pemato jāyatī soko,

pemato jāyatī bhayaṁ;

Pemato vippamuttassa,

natthi soko kuto bhayaṁ.

Licchavīvatthu

Ratiyā jāyatī soko,

ratiyā jāyatī bhayaṁ;

Ratiyā vippamuttassa,

natthi soko kuto bhayaṁ.

Anitthigandhakumāravatthu

Kāmato jāyatī soko,

kāmato jāyatī bhayaṁ;

Kāmato vippamuttassa,

natthi soko kuto bhayaṁ.

Aññatarabrāhmaṇavatthu

Taṇhāya jāyatī soko,

taṇhāya jāyatī bhayaṁ;

Taṇhāya vippamuttassa,

natthi soko kuto bhayaṁ.

Pañcasatadārakavatthu

Sīladassanasampannaṁ,

dhammaṭṭhaṁ saccavedinaṁ;

Attano kamma kubbānaṁ,

taṁ jano kurute piyaṁ.

Ekaanāgāmittheravatthu

Chandajāto anakkhāte,

Manasā ca phuṭo siyā;

Kāmesu ca appaṭibaddhacitto,

Uddhaṁsototi vuccati.

Nandiyavatthu

Cirappavāsiṁ purisaṁ,

dūrato sotthimāgataṁ;

Ñātimittā suhajjā ca,

abhinandanti āgataṁ.

Tatheva katapuññampi,

asmā lokā paraṁ gataṁ;

Puññāni paṭigaṇhanti,

piyaṁ ñātīva āgataṁ.

Piyavaggo soḷasamo.

SC 209One who pursues what is not to be undertaken,
And practices what is not to be practiced,
Who clings to what is dear, having abandoned the
goal:
Such a one envies those who apply themselves.

SC 210Never associate with those dear or abrasive.
For not seeing those dear and seeing the abrasive are
both painful.

SC 211Therefore hold nothing dear,
For separation from what is dear is bad.
For one whom there is neither dear nor non-dear,
There are no bonds.

SC 212From affection grief is born.
From affection fear is born.
One free from affection is without grief;
From where would fear come?

SC 213From love grief is born.
From love fear is born.
One free from love is without grief;
From where would fear come?

SC 214From attachment grief is born.
From attachment fear is born.
One free from attachment is without grief;
From where would fear come?

SC 215From sensual craving grief is born.
From sensual craving fear is born.
One free from sensual craving is without grief;
From where would fear come?

SC 216From craving grief is born.
From craving fear is born.
One free from craving is without grief;
From where would fear come?

SC 217People hold dear the one endowed with virtue and
insight,
Who speaks the truth and does the work that that is
his,
Who is established in the Dhamma.

SC 218One with an expansive mind,
Who is intent on the Indescribable,
Whose heart is not bound with sensual craving,
is called going upstream.

SC 219Family, companions, and friends rejoice
When one, long absent, safely returns.

SC 220Just so, in going from this world to the next,
The good deeds receive the well-doer,
As relatives receive the return of their dear one.