79. Falling Away

Vuttañhetaṁ bhagavatā vuttamarahatāti me sutaṁ:

“Tayome, bhikkhave, dhammā sekhassa bhikkhuno parihānāya saṁvattanti.

Katame tayo?

Idha, bhikkhave, sekho bhikkhu kammārāmo hoti, kammarato, kammārāmatamanuyutto;

bhassārāmo hoti, bhassarato, bhassārāmatamanuyutto;

niddārāmo hoti, niddārato, niddārāmatamanuyutto.

Ime kho, bhikkhave, tayo dhammā sekhassa bhikkhuno parihānāya saṁvattanti.

Tayome, bhikkhave, dhammā sekhassa bhikkhuno aparihānāya saṁvattanti.

Katame tayo?

Idha, bhikkhave, sekho bhikkhu na kammārāmo hoti, na kammarato, na kammārāmatamanuyutto;

na bhassārāmo hoti, na bhassarato, na bhassārāmatamanuyutto;

na niddārāmo hoti, na niddārato, na niddārāmatamanuyutto.

Ime kho, bhikkhave, tayo dhammā sekhassa bhikkhuno aparihānāya saṁvattantī”ti.

Etamatthaṁ bhagavā avoca.

Tatthetaṁ iti vuccati:

“Kammārāmo bhassārāmo,

Niddārāmo ca uddhato;

Abhabbo tādiso bhikkhu,

Phuṭṭhuṁ sambodhimuttamaṁ.

Tasmā hi appakiccassa,

Appamiddho anuddhato;

Bhabbo so tādiso bhikkhu,

Phuṭṭhuṁ sambodhimuttaman”ti.

Ayampi attho vutto bhagavatā, iti me sutanti.

Dasamaṁ.

Tatiyo vaggo.

Tassuddānaṁ

Dve diṭṭhī nissaraṇaṁ rūpaṁ,

putto avuṭṭhikena ca;

Sukhā ca bhiduro dhātu,

parihānena te dasāti.

This was said by the Lord…

“Three things, bhikkhus, lead to the falling away of a learner bhikkhu. What are the three? Here, a learner bhikkhu enjoys activity, is fond of activity, enjoys indulging in activity. He enjoys gossip, is fond of gossip, enjoys indulging in gossip. He enjoys sleep, is fond of sleep, enjoys indulging in sleep. These are the three things that lead to the falling away of a learner bhikkhu.

“Three things, bhikkhus, protect a learner bhikkhu from falling away. What are the three? Here, a learner bhikkhu does not enjoy activity, is not fond of activity, does not enjoy indulging in activity. He does not enjoy gossip, is not fond of gossip, does not enjoy indulging in gossip. He does not enjoy sleep, is not fond of sleep, does not enjoy indulging in sleep. These are the three things that protect a learner bhikkhu from falling away.”

A bhikkhu who enjoys activity,
Restless, fond of gossip and sleep,
Will never be able to attain
Enlightenment which is supreme.

Thus let him restrict his duties,
Give up sloth and restlessness;
Such a bhikkhu can attain
Enlightenment which is supreme.