49.45–54

“Pañcimāni, bhikkhave, uddhambhāgiyāni saṁyojanāni.

Katamāni pañca?

Rūparāgo, arūparāgo, māno, uddhaccaṁ, avijjā—

imāni kho, bhikkhave, pañcuddhambhāgiyāni saṁyojanāni.

Imesaṁ kho, bhikkhave, pañcannaṁ uddhambhāgiyānaṁ saṁyojanānaṁ abhiññāya pariññāya parikkhayāya pahānāya cattāro sammappadhānā bhāvetabbā.

Katame cattāro?

Idha, bhikkhave, bhikkhu anuppannānaṁ …pe…

uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.

Imesaṁ kho, bhikkhave, pañcannaṁ uddhambhāgiyānaṁ saṁyojanānaṁ abhiññāya pariññāya parikkhayāya pahānāya ime cattāro sammappadhānā bhāvetabbā”ti.

(Vitthāretabbā.)

Dasamaṁ.

Oghavaggo pañcamo.

Tassuddānaṁ

Ogho yogo upādānaṁ,

ganthā anusayena ca;

Kāmaguṇā nīvaraṇā,

khandhā oruddhambhāgiyāti.

Sammappadhānasaṁyuttaṁ pañcamaṁ.

“Mendicants, there are five higher fetters.

What five?

Desire for rebirth in the realm of luminous form, desire for rebirth in the formless realm, conceit, restlessness, and ignorance.

These are the five higher fetters.

The four right efforts should be developed for the direct knowledge, complete understanding, finishing, and giving up of these five higher fetters.

What four?

It’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise. …

so that skillful qualities that have arisen remain, are not lost, but increase, mature, and are completed by development.

These four right efforts should be developed for the direct knowledge, complete understanding, finishing, and giving up of these five higher fetters.”

(Tell in full as in SN 45.171–179, with the above as the final discourse.)

Floods, yokes, grasping,

ties, and underlying tendencies,

kinds of sensual stimulation, hindrances,

aggregates, and fetters high and low.

The Linked Discourses on the Right Efforts is the fifth section.